Sunday, January 08, 2006

Goa to get Konkani Bible

Church in Goa to print complete Bible in Romi script

Ref No.:- DCBA 13/2005-06
08–07–2005.
CP/1261/2005
ULO

Akhem Povitr Pustok chhapunk duddvanchi khori goroz asa ti polleun ami hi ievzonn mandun ghetanv ani amchea Padri bhavamnim ani loukikamnim hea kamak aplo sogllo tenko diunk magtanv.

Panjim, 10.7.2005
+ Filipe Neri Ferrao
Arsebisp - Patriark
POVITR PUSTOK ROMI LIPINT

Mogall Padri Vigar / Kopelanv / Kur,

Jezuchi xanti ani maiemogacho nomoskar. “Bori Khobor porgottunk mhaka zalear êk kaido” – oxem sangta amkam Bhagevont Paulu.

Zaitim vorsam porian ami ravtaleanv to Adlo Korar toiar zait ailo ani novean topaslolo Novo Korar-ui chhapunk toiar asa. Anik koslich motti addkhôll iena zalear, akhem Povitr Pustok hem gonvllik voros sompchê adim amchê porjechea hatant ghalunk amchi axa ani anvddo. Dhormprantik Porixodechea mona pormannem hem Povitr Pustok dôr-eka ghorabeant bhitôr kaddunk amchi itsa.

Dôr eka Povitr Pustokachea chhap’pacho khorch don’xim voir Rupia zata punn amchi ievzonn asa unnem molak vikunk. Hê porim tem viktem gheunk, konnakuch addkhôll zaina zaunk ani sompeponnim Povitr Pustok sogllea ghorabeamnim pavunk.

Punn, “dolle pavtat ani hat pavonant” tosli amchi gôt zal’li asa. Akhem Povitr Pustok chhapunk khub poixanchi goroz asa. Bhaile duddu maglear aiz-kal, te diunchê adim, amchea ganvchea lokan kitle dileat tem zanno zaunk sôdtat. Tedna kitem zobab diuncho ho amkam proxn poddta. Dekhunuch amchi êk ievzonn asli ani ti xarthi pavounk tumcho adar amkam zai. Dôr eka ganvant amchim “Fabricas” ani “Konfrari” asat ani zaitê pavtti tanchê lagim khub duddu asta. Tea bhair amchea dhormachi porgôttni korop, tanchem ek mukhel kam’. Tumi tanchi êk zomat addaun, tankam hea amchea kamachi niz goroz dakhoun diun ani hea amchea kamak tancho sohokar amkam kitlo gorjecho ani molacho tem tanchea monant haddun, hea amchea kamak tumcho adar diunk ami magtanv. Khorem mhollear, hem kam’ amchem soglleanchem – dôr eka Kristanvachem. Hê porim amchi denngi hea Borea kamak diunche nanv? Jerul ditoleanv mhonn mhaka khatri asa. Konn bore monache monis tumchê firgojent asat tancho-i adar amkam dhaddun diat.

Tumcheô cheques / D. D. hea pot’tear dhaddcheô:
Secretary DCBA, Canara Bank, A / C No. 6272, Old Goa.

Ho ulo tumchea kanar poddun tacho foll ieunk amchim magnnim.

Tumcho ixtt Jezuchê sevent,

Pri. Manuel Gomes
Chittnis,
Povitr Pustokachea Vavrachi Somiti

Posted by
Gaspar Almeida/Auspicio F.M. Rodrigues

Tag:

No comments: